首頁

「博愛x老夫子香港慈善跑」返嚟喇！今屆老夫子、大番薯、秦先生帶你跑勻中西區，活動路線計劃途經干諾道中、龍和道及多個中西區著名地標，當中包括中環碼頭、香港大會堂、香港摩天輪及國際金融中心 (IFC)等，一齊回顧香港嘅集體回憶。跑完步仲可以去中環添馬公園度舉行嘅健康生活嘉年華添！

今屆嘅選手包禮物豐富，個人組及企業組參加者除左可以獲得１件主題跑衣、１個老夫子造型嘅完成獎牌之外，仲有１個活動限定嘅老夫子x Clip Fresh餐盒添！而１公里親子組每隊同樣都會得到2件主題跑衣、2枚老夫子造型完成獎牌同埋１個Clip Fresh餐盒，想知更多選手包詳情? 大家記得密切留意我地既活動網頁喇!

除左選手包外，大家仲可以選購一系列嘅禮品，包括老夫子主題毛巾、索袋或水樽，每件都只係賣$80。一次過買晒3件禮品，仲有優惠，每套$200咋! 今次既特色禮品限量發售，大家快啲帶佢地番屋企啦!